Semini Danthanarayana

සඳේ මුදු ගුණ හදේ තැවරී,                             දයා ගඟුලැල් ඔබෙන් ගැලුවා,                      නොතෙත් කතරක ඉරිතැලී ගිය,              දහස් සිත් මල් පුබුදු කෙරුවා.....// නැණ නුවන් මිණි ගුණදමින් පිරි    දියණියක ඔබ ලොවට පිදුවා,                    මේ තරම් තෙත ළයක් ඔබහට, කොහෙන් ලැබුණිද සිතම ඇසුවා.......// සමසිතින් අප දරා හිනැහී,                          මව් සෙනේ පිය සෙනේ දුන්නා....                    පා පියුම් බැතියෙන් වඳින්නම්,                    ගුරු තරුව නුඹ සදා දිලෙනා.........//  සඳේ මුදු ගුණ....... written on 23/sep/27  Happy teachers' Day to my dear all teachers ❤❤❤ ( 23/10/5) ❤ Lyrics - Se...

 ජීවිතේ දුර යනෙන මගෙ දුව,  නව ලොවක අරුණලු දකීවා.... සරා දිවි ඔබ යනෙන හැම තැන,  සුවඳ මල් විතරක් පිපේවා..... මව් සෙනේ පිය සෙනේ කැටි කොට, දිවි දොවා සිප් සතර දුන්නා, දුවේ දිවි නුඹ, දිනන මං දැක,  ළය තෙමා තුටු කඳුළු ගැලුවා....// ජීවිතේ දුර... තුඩින් තුඩ තුඩ නුඹේ නම හෙට ලොවේ රැව් දී මට ඇසේවා...  රුහිරු කිරි රස දැනුණෙ නැතුවට, නුඹත් මගෙ දුව,මමයි අම්මා........... නුඹත් මගෙ දුව මමයි, අම්මා......................  23/Sep/26 ✒️Semini Danthanarayana- Oct 1 නිමිත්තෙන් ❤ 

ආදරයේ මුදු වදනින්, මිණි ඔවදන් දුන්, ඔබේ ලේ කිරි රස බැලුවේ, නැති වුණාට මං...සිප් කිරි පෙව් මෑණියනේ ඇකයේ උණුසුම්....ඔබෙ ආදර ගුණ කරුණා, නිති නිති සිහිවෙන්........// නොපිපුණ මල්,පූදින්නට නිති දිරි දුන්න...හද තෙත රැඳි ආදරයෙන් අප රැකගත්ත..පියතුම හඳ රැඳි සෙනෙහස නොඅඩුව දුන්න, අප්පච්චි වාගේමයි ගුරු සඳ අපට......// සඳ දිය දෙව් සිසිලස සේ සෙනෙහස දැනුණා..ඒ මුදු බව තෙත රැඳි හද මා නැළවූවා...මව් පිය ගුණ නුඹ හද ගැබ, ඉතිරී තිබුණා.... ගුරු තරුවයි දිවි අහසේ නුඹ මට සැමදා.............// ආදරයේ මුදු වදනින්...... ✒️Semini Danthanarayana - 23/9/27 # Teachers' day 2023 ❤ 

  මේ සැප්තැම්බර් මාසෙ තවත් එක සෙනසුරාදාවක්...... මං මේක ලියන්න වාඩි වෙලා ඉන්න ජනේලෙ ළඟට දැන් හොඳට හුළං එනවා. ඈත රැහැයියො කෑ ගහන හඬ ඇහෙනවා.දැන් වෙලාව රෑ අටට ළඟයි.පන්සලක් වගේ,ගෙදර පුදුම නිහැඬියාවක්. පුංචි සද්දයක් වත් නැහැ. අම්ම රෑට උයල ඉවරයි.අම්ම පල්ලෙහා අම්මගෙ පොතක් බලන ගමන්.  මම උඩ ජනේලෙ ළඟ මට හිතෙන දේවල් ලියන ගමන්.අද තාත්තා නැහැ. තාත්තා නැතුව ගෙදර ගොඩක් පාලුයි. ඒ වුණත් ඒ පාලුව අස්සෙන් හිතේ සියුම් තැන් ගොඩාක් සියුම්ව ස්පර්ශ වෙලා ලියන්න මට ගොඩක් දේවල් ගලාගෙන එනවා.මං මේ ලියන වෙලාවෙ ඈතින් ඇහෙනවා වෙසක් සිංදු. ඒව වෙසක් සිංදු නෙමෙයි නමුත් මම ඒවට කියන්නෙ එහෙම.  " බුදු සාදු බුදු සාආදු, සඳුන් ගසාක් වෙන්නම්ම්ම් මම,සමන් වැලාක් වෙන්න්ම්ම්.....'' මම පන්ති ගිහින් අම්ම එක්ක ගෙදර ආවෙ දැන් ටිකකට කලින්. ඒ එනකොට හංදියෙ බල්බ් වැල් දාලා, කොඩි දාලා සරසලා. ලයිට් කණුවක ලොකු ස්පීකර් එකක් ගැට ගහලා.  " බුදුන්ගේ අමා ධර්මේ.......'' " ඇයි අම්මෙ මේ ? '' " ටවුන් එකෙ අද ධර්ම දේශනයක් වෙන්න ඇති''  " අපිත් යමුද අම්මෙ?'' " මටත් ආසයි, ඒත් තාත්තා නැතුව ර...

  දැනුණු තැන් බෝ අත හැරෙද්දිත්,  කඳුළු විතරක් දරා ඉද්දිත්,  ආයෙ ආයෙම සුළි සුළං රැළි හමන එකදෝ ,  ලෝකයේ හැටි...... අකුරු ඇමිණී වචන වෙද්දිත්,  වචන නෙක නෙක රූ මවද්දිත්,  වචන වාගෙම දැනෙන මිනිසුන් වෙනස් වීමද ලෝකයේ හැටි ?...... හීනි වැස්සක් ගලා එද්දිත්, අහස ගුගුරා ඇද හැළෙද්දිත්, සිනිඳු මල් පෙති තෙමෙන බව දැන,  වහින එකම ද ලෝකයේ හැටි ?....... රිදුණු තැන් යළි මසා ගද්දිත්,  එබැව් හොඳටම සිත අහද්දිත්,  ළය පලා ලේ ගලන බව දැක, නිහඬ වීමද  ලෝකයේ හැටි ?...... වචන මූණිස්සම්  ඇණෙද්දිත්, අතරමං වී එතුළ ඉද්දිත්, කිසිඳු වරදක් නොකළ සිතකට දුකක් දීමද ලෝකයේ හැටි?..... තෙත ළයක් වියළෙමින් යද්දිත්, ඉරිතැලී මල් මිලින වෙද්දිත්, නුබ ගැබේ සැර චණ්ඩ ඉරකින්  ළය දැවීමද , ලෝකයේ හැටි......?  ▫️පසුව ලියමි ; මිනිස්සුන්ට දේවල් සිද්ධ වෙන්නෙ මට කවි ලියන්න...... එතකොට මට දේවල් සිද්ධ වෙන්නෙ ? කාට කවි ලියන්න ද ?...........🫴🏻  # Children Don't say they had a bad day, can we talk......They say, "will you come with me to play....'' But Nobody UNDERSTAND That !..........